მისთვის...

მისთვის -

ლექსები დავაფრთიანე,

გაფრინდა უფრთოდ,

გრძნობები დავამთიანე,

მწვერვალობს უფრო...

რისთვის -

ვაქციე ჩემად?!

ქედი ვიხარე,

მექცა ჩვევად,

სიტყვა ვიხმარე...

კისთვის -

„დღე“ იქცა არსად,

როცა დამიდო ფეხი,

გამოჩნდება კი არსად?!

საქმით დამადო კეხი...

ხისთვის -

გრძნობა მეტია ქერქში,

შენს გულში ბუჩქი ხარობს,

ქვები მღერიან თერგში,

ჭიები ტვინსაც ხმარობს...

მისთვის -

გავაბი აზრთა აბდაუბდები,

მარტო, ობობა აღმოვჩნდი ქსელში,

უჩემოდ მაინც არ დაობდები,

უდაბნოს არ გაცვლი, ბალიშში, სველში...

მიყვარს მე საუკუნის კოხტა წამ-წამი,

შენში მე და ყველა წამწამი...

ლიპარა (გიორგი ლიპარიშვილი)

12.06.11