გაზაფხულის მაისებს

გაუმარჯოს გაზაფხულის მაისებს,

ჯიბეებს რომ სითბოებით გაივსებს...

ლიპარა (გიორგი ლიპარიშვილი)

1.05.11

შუა, შუა, შუა...

ფიქრსაქმეში შუაღამე,
წლებად შემომენატრა...
დავიძინო ყველაფერს ჯობს,
აზრი შემომემატა...

მე ლექსები
შუა ზღვაში,
შუა გზაში,
შუა წელში,
შუა გულში,
შუა დღეში
შუა კაცში,
შუა ვღვარე...
რას დამაკლებს,
შუა,
შუა,
შუა ღამე...


28.04.11

ლიპარა (გიორგი ლიპარიშილი)

პატარა უფლისწული (შე-სავალი)

პატარა უფლისწული (შესავალი) patara ufliswuli (shesavali) გიორგი ლიპარიშვილი giorgi liparishvili by giorgiliparishvili


პატარა უფლისწული
ანტუან დე სენტ-ეკზიუპერი
თარგმანი ფრანგულიდან - გიორგი ჩიმაკაძის
მუსიკა - Advent Children - Up Is Down
ვკითხულობ მე ლიპარა, გიორგი ლიპარიშვილი

მენანება...

მენანება -

დაუმთავრებელი კოცნა,

დაუბადებელი ბავშვი,

გაუბედავი გრძნობა,

გაუცნობელი გოგო,

გადაუდგმელი ნაბიჯი,

გაუთენებელი ღამე,

დაუღამებელი დღე,

გაუღიმარი სახე,

დაუწერელი სიტყვა,

დანგრეული ტაძარი,

დაბერებული ახალგზარდა,

გაწარსულებული მომავალი,

დამშრალი ფანტაზია,

თბილი წყარო,

უგულო საგულე,

უყვავილო მიწა,

უმზეო ცა,

მწვერვალჩამოშლილი მიზანი,

გაუჭენებელი ცხენი,

დაუმღერებელი ლექსი,

დაუფიქრებელი აზრი,

გადაუღებელი ფოტო,

უკითხვისნიშნო ფილმი,

უემოციო დრამა,

ჯანშერყეული კაცი,

უფრთო ფრინველი,

უფერო ტილო,

გატეხილი ქვევრი,

უსურნელო სილამაზე,

ფასდადებული ერთგულება,

ცეცხლაუნთები ბუხარი,

დამპალი ყურძენი,

უჟრუანტელო ვნება,

დაუმსახურებელი სილა,

დაუმატებელი მუშტი,

მოუნანიებელი ცოდვა,

უნახავი მეგობარი,

გადაგდებული დრო,

ჩაძირული გემი,

უგემოვნო მადა,

ყდადქცეული წიგნი,

დაუხარჯავი სიამოვნება,

ჩაუცმელი სურვილი -

მენანება...

P. S.

სულის გრამი, მძიმე ჩანთით, უკოსმოსო ზეცა,

ლექსს ფინალი შიშველ ტანზე საქმიანად ეცვა...

ლიპარა (გიორგი ლიპარიშვილი)

16-18.04.11

„მერე რა მოხდა?!“

ეს სიტყვა გულს რო წყენად ამოხდა,

ვერ ვიტან პოზას „მერე რა მოხდა?!“

ლიპარა (გიორგი ლიპარიშვილი

17.06.10

გულია ყველაზე...

გულია ყველაზე პირატი,

ჩემია თანაც, პირადი...

ლიპარა (გიორგი ლიპარიშვილი)

...

ახალგაზრდა პოეტებმა ფუძნარის ტაძრის გადასარჩენად პოეზიის საღამო გამართეს

შაბათი, 16 აპრილი 2011 15:15

თბილისის ივანე ჯავახიშვილის სახელმწიფო უნივერსიტეტში ფუძნარის ტაძრის გადასარჩენად პოეზიის საღამო გაიმართა. სიმბოლურ აქციაზე სტუდენტებს თავიანთი შემოქმედება ილია კილაძემ, დათო ქაშიაშვილმა, გიორგი ლიპარიშვილმა და ალექსანდრე ლორთქიფანიძემ გააცნეს.

ფუძნარის ღვთისმშობლის სახელობის ტაძარი დუშეთის მუნიციპალიტეტის ტერიტორიაზეა და სასწრაფოდ საჭიროებს რესტავრაციას. ძეგლი მე-13 საუკუნისაა.

შეგახსენებთ, რომ ღინისძიება ჯავახიშვილის ისტორიკოსთა კლუბის ორგანიზებით ჩატარდა.

მეფე(რ)ები

იქნებ რითმები შემომაკვდა...

იქნებ სიტყვები შემომაკლდა,

საგულე უგვალვოდ წვიმაში დაშრა,

იქნებ რითმები შემომაკვდა,

გრძნობამ დაიწყო ქანებად დაშლა...

იქნებ ჩემს ლექსებს გაუვიდათ უკვე ვადები,

გადამიარა მე წერების წყურვილის ჟინმა,

იქნებ მე ხმალი დამიჟანგდა ანდა ვადები,

ან შემიწირა ჩემი თავის უთავო ჯინმა...

იქნებ სულ აზრი გამეფანტა, ის ყრუ ფანტელი,

გადამეხვეწა სიშორეთში გრძნობის არია,

შემომენატრა ზღარბად ქცევა, და ჟრუანტელი,

იქნებ ცხოვრებამ ლექსი ჩემი სულ გადარია...

იქნებ გარშემო შემომერტყას 1000 იქნებ,

რომელსაც გავცემ პასუხს უცილოდ,

ამ რითმას ახლაც ხმალივით ვიქნევ,

არ მინდა აზრებს გადავუცილო....

იქნებ სიტყვები შემომაკლდა,

გრძნობამ დაიწყო ქანებად დაშლა...

იქნებ რითმები შემომაკვდა

საგულე უგვალვოდ წვიმაში დაშრა...

11.04.11

ლიპარა (გიორგი ლიპარიშვილი)

გადამინდა?!

გადამინდა (gadaminda) giorgi liparishvili by giorgiliparishvili

ლექსი - ლიპარა, მუსიკა - Café Del Mar - Lux (Northern Lights)

ერთგულებას ფასს...

ერთგულებას ფასს ვერ ვადებ,

ორგულობას წყალში ვაგდებ...

დავიგულებ 1000 გულებს,

დავაშენებ სახლს აგურებს...

მე უგულო, ხელისგულზე გულებს ვითვლი,

გრძონბას ბასრად, წრფელად ვითლი...

მერე გულებს გადავუშლი გრძობას სეკად,

და გულდაგულ გადავაქცევ რითმას ცეკვად...

ორგულობას წყალში ვაგდებ,

ერთგულებას ფასს ვერ ვადებ...

ლიპარა (გიორგი ლიპარიშვილი)

liparasblogi.blogspot.com

7.04.11

მედაშენ...

მე - თაბახი, შენ - მკითხველი,

მე - ყოჩაღი, შენ - მკიცხველი,

მე - მოთეთრო, შენ - ფერადი,

მე - ერთი და შენ - ჯერადი...

წინსვლისკენ არ გავჩერდებით,

თუ მედაშენ გავჩვენდებით...

მე - ყოჩაღი, შენ - მკიცხველი,

მე - თაბახი, შენ - მკითხველი…

liparasblogi.blogspot.com

7.04.11