გამო-ქარ-გული ემოცია..

სოფო კაჯილაშვილს

გულმა რა იცის სიყვარული ან რა ხილია,

ან საიდუმლო რამდენჯერმე განამხილია..

ამ ფეთქოვანმა, წითურმა ბუშტმა,

300-მა გრამმა, პატარა მუშტმა..

მკერდს მიმალულა, შიშით ცახცახებს,

და როცა უნდა, მას ხელს ცაც ახლებს..

ამოხტომა სურს, ყელში ბურთდება,

ვარჯიშს აგრძელებს, უფრო კუნთდება..

გულის ჯიბეში ზოგს უდევს ქვა,

გულისნადები მოლექსომ თქვა -

მე მიყვარს გულის, გონის უჯრებით,

ის, მოწერტილო ყველა უჯრედით..

მაინც, მე გრძნობა ღრმად გულში ვთესე,

სისხლს გისასუქებ მე მრავალ თვესვე..

ჰო, ემოცია აქ მაქვს დარ-გული,

სამკერდე ნიშნად გამო-ქარ-გული..

გიორგი ლიპარიშვილი (ლიპარა)

30.03.12