ჩემი სახელი აზოვსტალია... დაგუგლე წყალი,,,

(უკრაინელი ჯარისკაცის მესიჯის მიხედვით - ცოლს აზოვსტალიდან

- დაფუძნებულია რეალურ ამბავზე))

რამდენ დღეს გავძლებ უწყლოდ?

დაგუგლე წყალი…

ჯოჯოხეთია,

ესაა წყევლა.

უწყლობით წყდება

დღეების ძაფი.

გახსოვს ნიშნობა?!

ის, პაემანი?

ან სიყვარული მზიან მხარ...

სიტყვა მიშრება…

სადღაც აქვეა…

დაგუგლე წყალი…

ნუ ატირდები,

ცრემლიც მშრალია,

ჩემი სახელი აზოვსტალია.

თვალებს რომ ვხუჭავ,

ღრუბლებზე ვწევარ,

ვხედავ -

არა ვარ უმიწაწყლო…

დაგუგლე წყალი…

ნეტავ სისხლიც გამიწყალდეს,

გველეშაპია წყალთან…

ჩვენს დარგულ ყვავილებს დაუსხი წყალი,

1 ჭიქა წყლით დამლოცე,

მისურვე რას გრძნობ…

დაგუგლე წყალი…

ვიბრძოლებ სისხლის ბოლო ნამებით,

და მომავლისთვის, ჩემი წამებით.

რამდენ ხანს გავძლებ უწყლოდ?

დაგუგლე წყალი…

ლეგენდაში ვარ,

წვიმაც ადიდებს ზეცას,

სიცოცხლეს „ფარდა ეფარება“,

თითქოს, მდინარეს ცეცხლები ეცვას…

ბრძოლა გრძელდება…

ველი მზის წვეთებს…

ნუ დანებდები უმიწაწყლობას,

დაგუგლე წყალი…

გიორგი ლიპარიშვილი

11.05.22