მამას, ბებოს, ბაბუს

მამის სუნი მომენატრა,
წარმოდგენაც მიჭრის,
წლები მხრებზე მომემატა,
აწმყო წარსულს მიჭრის.

ბებოს სითბო შემომაკლდა,
გულის კუთხეს ცივა,
ფიქრებიც კი შემომაკვდა,
წლებს წამები ცვივა.

ბაბუს ნატვრა მომეძალა,
მწვანე თვალთა ფეთება,
სიყვარულო მომე ძალა,
თორემ გული ფეთქდება.

მონატრებავ დარჩი,
არ დაგადებ ტაბუს.
ვეფოფინე სამივეს:
მამას, ბებოს, ბაბუს...

გიორგი ლიპარიშვილი
29.01.13