მიყვარს სიყვა რული...

miyvars siyvaruli (giorgi liparishvili. lipara) by giorgiliparishvili

მიყვარს სიყვარული

შევძლებ ყველაფერს,

ვერ ვძლებ, ვერ აფრენს...

მოდა ჩემია,

ვბოდავ მჩვევია...

ვლურჯავ ცას,

ვფუნჯავ ზღვას...

დავნამავ მდელოებს,

დავმალავ ლელოებს...

ავიტან ბოლებს,

გავიტან გოლებს...

„პეოპლე“ რომანს,

ვეოფლე შრომას...

ავწიე მხარე,

ვარწიე მთვარე...

მთები განვკუზე,

თმები წავკუზე...

როგორც ვაგონებს,

გოგოს ვაგონებ...

ყურეს, სისხამს,

ყურებში ვისხამ...

ვაგრძელებ თითებს,

ვაძველებ მითებს...

ვაქვეყნებ ქვეყანას,

ვაკვეხებ მკვეხარას...

ვამალებ დინოზავრს,

ვამრავლებ კინო ზავს...

მზე ფორთოხალს,

ზე მოთოხნავს.

გავყურებ ქორი ზონდს,

გავყმუვლებ ჰორიზონტს...

მოვიწანწალებ მსოფლიოს,

მოვიწამწამებ სოფიოს...

ვადინებ არაგვს,

ვადიდებ არაკს...

თავს მოვფხან მწვერვალებს,

თან მოვხნავ მწველ ვალებს...

ვაშენებ შენობას,

ვამშვენებ შენობას.

და ვიწყებ ფრენებს,

და ვიწვევ ენებს...

ავტეხავ ამბორს,

გავტეხავ ამბოხს...

მოვირგებ ტანგოს,

გავიტან თან გოლს.

ღრუბელს ჰამაკად,

უბეს ამაგად,

გავიხდი, კანზე,

თან მიხვდი ტანზე...

გავიხსნი ღილებს,

დავიხსნი ლილეს...

ნაბიჭებს ვაბიჯებ,

ნანიჭებს ვადინჯებ...

მოგირთავ ხალისებს,

მოგიტან ხვალ ისევ...

გადავცლი კაბებს,

გადავცვლი ამბებს...

მიმყავს სიტყვა რთული,

მიყვარს სიყვა რული...

ლიპარა (გიორგი ლიპარიშილი)

23-27.02.11

გაიბა დრო...

მთვარესავით არასოდეს გაიბადრო,
საგულის თოკზე უნდა გაიბა დრო...

ლიპარა 2011წ.

იხილეთ - ლიპარა „და-ბმული“...

ვერ ვიტან - ქელეხებს,

უმეზარბაზნო ქვემეხებს...

მხიბლავ ცაზე წამოწოლილო ჭაღარა ღრუბელო,

ცხენო, სისწრაფით სავსე, უბერ-უბელო...

ვერ ვიტან - ენა ზურგამდე წვდება,

ჭიამაია სპილოსთან წვება...

ვერ ვიტან ქალებს ჭკუის არმქონებს,

ახალი აზრის ქვებით ჩამქოლებს...

მხიბლავს მთა, ცა და მიწა,

ზღვა - ცხვირწინ რომ გადაირწა...

ვერ ვიტან - შემორგებულ იარლიყებს,

გრძნობას, შორეთში რომ მიარიყებს...

მხიბლავს - არის თეთრი თოვლი როცა,

მწვანე ბალახი, ცისფერია რომ ცა...

ვერ ვიტან - ტყუილით მოსავსე გუდას,

უსაქმო კაცს და უთოვლო გუნდას...

მხიბლავს - ფერები უფერო,

სამყაროს უფრთოდ გადავუფრენო...

ვერ ვიტან ბაქტერია-ბაცილებს,

„ხელის ჭუჭყს“ რო მაცილებს!..

მხიბლავს - გრძნობები ხიდად გაბმული,

იხილეთ - ლიპარა „და-ბმული“...

18-19.02.11

ლიპარა

ლექსპრომტი

ლექსში აზრის ვუფრთხი დებას,

სიტყვა გრძნობას უფრთხილდება...

ლიპარა

18.02.11

ავტოპორტრეტი - (მიხეილ ქვლივიძის ლექსი)

მიხეილ ქვლივიძე

მიხეილ ქვლივიძე (mixeil qvlividze) by giorgiliparishvili

მიხეილ ქვლივიძის ლექსი, მუსიკა გია ყანჩელის, ვკითულობ ლიპარა, გიორგი ლიპარიშილი)

საითაც კი „აწვები“...

განა ვინმეს ვეხვეწები, ან ვახიე ღაწვები,

იქეთ წადი ჩემო კარგო, საითაც კი „აწვები“...

ჩემთვის თუ არ იმეტებენ და სხვასთან კი ჰყიდიან,

არ მადარდებს ეს მე დიდად, ერთი მაგრა „მკიდია“...

ვინც მას ფიქრობს გადავუფენ წითელ-ყვითელ ხალიჩებს,

ეს იცოდეს არ დავუწყებ მე ზედმეტად „ჩალიჩებს“...

გული არც მაქვს, უშენობამ ვერც ვერაფრით ამიოკა,

ეს სიტყვები ვინც მიხვდებით შემოიცვით ნამიოკად...

განა ვინმეს ვეხვეწები, ან ვახიე ღაწვები,

იქეთ წადი ჩემო კარგო, საითაც კი „აწვები“...

ლიპარა (გიორგი ლიპარიშილი)

11.01.11

საითაც კი „აწვები“

ჩემს ლექსს შენთვის...

ჩემს ლექსს შენთვის (giorgi liparishvili) by giorgiliparishvili

სიყვარულ-სიძულვილ...

სიყვარულს ხშირად ლექსებს უწერენ,
ამ სიძულვილმა რა დააშავა?!
მერე რა თუკი ხატვა არ იცის,
გარშემო ყველა გადააშავა?!

სიძულვილს ხშირად კარს უკეტავენ,
სიყვარულისთვის ხალიჩას ფენენ,
ბოროტს ძირშივე თავს უკვეთავენ,
კეთილი თესლით თითქოსდა ფრენენ...

სიყვარულ-სიძულვილ ნახევარძმებია,
ზოგი რომლით და რომლით ძღებიან...

ლიპარა (გიორგი ლიპარიშვილი)

12.02.11

იშვი ათად (ლიპარას ლექსების საღამოზე)

ბრეგოვიჩის ტანგოთი მუსიკალურ გაფორმებას ლექსს უკეთებს მარიონეტების თეატრი "ნიკოლო", მევიოლინე ნიკოლოთი... ხელმძღვანელი ბახვა წერედიანი

ლიპარა ლიპარას საღამოზე...

როკ კლუბში ლიპარას (გიორგი ლიპარიშვილის) საღამოზე, როკ ჯგუფისა და ლიბ.ჯე-ს პროექტ არტსაღამოების ფარგლებში, უკრავს არიონეტების თეატრ "ნიკოლოს" მევიოლინე ნიკოლო... (თეატრის რეჟისორი, თოჯინების შემქნელი და ანიმატორი ბახვა წერედიანი)

პოეზიის საღამო

მუზას ვასვენებ...

მე მეძახიან ამოდ მოუბარს,

ვიღაცას ჭორზე ჭორი მოუბავს!..

ხან მეძახიან მე მექალთანეს,
ესეც სიცრუე, რომ მე გავთალე...

ხან კი მიწოდეს პოეტი,
სიცრუე არ ყლაპო მეტი!..

ზოგისთვის გავმხდარვარ გრძნობის გარეშე,
სხვების გულები მივწი-მოვწიე, მოვითარეშე!...

ერთი მე მხოტბავს მეტზე მეტისმეტ...
მეორე მლანძღავს როგორც უგვანოს,
ახლა ცუდზე ოდნავ მეტი ვსვეტ,
მინდა ლიპარას ყველა სიცუდე გადავუგვარო!..

მე მეძახიან ამოდ მოუბარს,
ვიღაცას ჭორზე ჭორი მოუბავს!..

მე ღიმილს ვბადებ, თვალს არ ვასველებ...
ახლა წავედი, მუზას ვასვენებ!...

ლიპარა (გიორგი ლიპარიშვილი)

10.07.10